სამუშაო საათები

ორშაბათი – პარასკევი 8.00 – 17.00
შაბათი
კვირა

ონლაინ მედიცინია

მოგვწერეთ თქვენი შეკითხვები და მიიღეთ კვალიფიციური პასუხი ჩვენი სპეციალისტებისაგან.
დაგვიკავშირდით ონლაინ რეჟიმში

კონტაქტი

( +995 32) 234-81-19

დაგვიკავშირდით

კლინიკური მედიცინის სამეცნიერო-კვლევითი ინსტიტუტი

საქართველოში ერთ-ერთი უდიდესი სამკურნალო-დიაგნოსტიკური დაწესებულებაა, რომელიც აღჭურვილია თანამედროვე სადიაგნოსტიკო და სამკურნალო აპარატურით. ინსტიტუტი აღიარებული ლიდერია რადიოლოგიის და ქირურგიის მთელ რიგ მიმართულებებში. დაარსდა 1991 წელს. იგი ქვეყნის სათაო დაწესებულებაა რადიოლოგიის დარგში. კლინიკური მედიცინის სამეცნიერო კვლევით ინსტიტუტს ხელმძღვანელობს საქართველოს მეცნიერებათა აკადემიის აკადემიკოსი ფრიდონ თოდუა ინსტიტუტის სამეცნიერო-კვლევით მუშაობას კოორდინაციას უწევს საქართველოს მეცნიერებათა აკადემია. სამეცნიერო მუშაობის ძირითადი მიმართულებაა: ”დაავადებათა ადრეული კომპლექსური დიაგნოსტიკა და მკურნალობა.”

კლინიკური მედიცინის ს-კ ინსტიტუტი

— ფრიდონ თოდუას სამედიცინო ცენტრი

მთავარი

გარდაიცვალა აკადემიკოსი ფრიდონ თოდუა

გარდაიცვალა ადამიანი, რომელიც ალბათ იმ იშვიათ რჩეულთა კატეგორიას მიეკუთვნება, ვისაც სიცოცხლეშივე ერგო წილად ღირსეული დაფასება, საყოველთაო პატივისცემა და სახელი, – შესანიშნავი ექიმის, ნოვატორის, უბადლო ორგანიზატორის, ქველმოქმედის, საზოგადო მოღვაწის…

მისი მრავალრიცხოვანი ეროვნული თუ საერთაშორისო ჯილდოების შესახებ არაერთხელ თქმულა და დაწერილა, მაგრამ თავად მხოლოდ ერთ წოდებას, – თბილისის საპატიო მოქალაქის ტიტულს, – მიიჩნევდა მართლაც საამაყოდ.
სხვა უმთავრესი ჯილდო მისთვის, როგორც ყველა ჭეშმარიტი ექიმისთვის, თავისი მოწაფეების, კოლეგებისა და მთლიანად ინსტიტუტის წარმატება იყო. ეამაყებოდა თითოეული ჩვენგანის აღიარება საერთაშორისო ფორუმებზე, თითოეული ჩვენგანის გამარჯვება საკუთარი გამარჯვებასავით უხაროდა!

აი, ამ განწყობითა და შემართებით დაიწყო არსებობა ოცდაექვსი წლის წინ კლინიკური მედიცინის სამეცნიერო კვლევითმა ინსტიტუტმა, რომელიც სწორედ თავისი დამაარსებლის და მთავარი მამოძრავებელი ძალის წყალობით – ქართულ სინამდვილეში სტაბილური განვითარების, წინსვლის, პერმანენტული სიახლეებისა და ინოვაციების სიმბოლოდ იქცა.

ოცდაექვსი წელია მოვდივართ ფრიდონ თოდუას უშრეტი ენერგიით დამუხტულები. მოვდივართ მიზანმიმართული ნაბიჯებით; მისეული მუდმივი შენების სურვილით; მისი დაუღალავი, გაუჩერებელი საქმიანობის ჟინით… სხვანაირად მის გვერდით ვერ იქნებოდი!

მეოთხედი საუკუნეა არ არსებობდა დასვენება და თავისუფალი დრო მისთვის, – თავისთავად, არ არსებობს ჩვენთვისაც! თავად იყო უპირველესი მაგალითი ინსტიუტის ნებისმიერი თანამშრომლისთვის – მუდმივად მოწესრიგებული, მუდმივად მობილიზებული, თავდაჯერებული… მიაჩნდა, რომ ექიმი თავდაპირველად გარეგნულად უნდა ამართლებდეს საკუთარ სტატუსს და ერთი შეხედვით იმსახურებდეს პაციენტის ნდობას. თავად იყო ლმობიერი და გულითადი დამოკიდებულების მაგალითი უბრალო ადამიანების მიმართ. თავად იყო მუდმივი ძიებით დამშვრალი და იგივეს ითხოვდა, უპირობოდ მოითხოვდა ჩვენგან და…

ამ დროს თითოეული ჩვენგანის პირად პრობლემას თავისად იღებდა. საუკეთესო მრჩეველი, მეგობარი და თანამდგომი… საქმეში უმკაცრესი და პირად ცხოვრებაში უღალატო – განურჩევლად სტატუსისა და დამსახურებისა, ყველას მიმართ. შეუმცდარი პედაგოგიური ალღო სტუდენტებთან, – ნიჭიერსა და პერსპექტიულს ხელს არ გაუშვებდა… ან ბოლომდე მიჰყვებოდა, ბოლომდე უპატრონებდა!

მასთან ურთიერთობამ, მეტნაკლებად, ბევრი ჩვენგანის ცხოვრება შეცვალა, ერთ სტაბილურ დინებაში მოაქცია. ბევრი გამოვიარეთ ერთად ამ ხნის მანძილზე! – 90-იანების სუსხიანი ზამთრები, უშუქობა, გაჭირვება… შემდგომი სოციალური თუ პოლიტიკური კრიზისები, კიდევ აქეთ დათბობა თუ თითქოს დალაგება… გავიზარდეთ, გავფართოვდით და დღეს ბევრად მეტნი ვართ…

ფრიდონ თოდუას ექიმის ხასიათის, ალღოსა და იდეალური ორგანიზატორის ნიჭის წყალობით ინსტიტუტმა არამარტო რეალურად ააღორძინა რადიოლოგიის დარგი, არამედ სრულიად ახალ სიმაღლეზე აიყვანა მედიცინა ჩვენს ქვეყანაში. მან მიზანმიმართულად ჩადო დიდძალი ინტელექტუალური და მატერიალური ინვესტიცია ონკოლოგიის განვითარებაში – თანამედროვეობის ამ ყველაზე სასტიკი მტრის წინააღმდეგ ბრძოლაში… და, რა ბედის ირონიაა?! – სწორედ ამ ბრძოლაში დაეცა!
ვიდრე ფეხზე დგომა შეეძლო, ჩვეულებრივ დადიოდა სამსახურში… თითქმის ბოლომდე… არ უნდოდა (არც დაუშვებდა!) ვინმეს უძლური და დასუსტებული ენახა. უწინდებურად ხუმრობდა, გვეფერებოდა… და ჩვენც, თითქოს ექიმები არ ვიყავით და არ ვიცოდით, რასთან გვქონდა საქმე, ისე ჯიუტად არ ვიჯერებდით, რომ დასასრული დაიწყო. თუმცა, ესეც თავად დაგვაჯერა, რომ არასოდეს არაფერი წააქცევდა!
იქნებ… იქნებ, კიდევ ცოტა ხანი… იქნებ…
ვიცოდით, როგორ არ ვიცოდით?! – მაგრამ მაინც თავზარდამცემი აღმოჩნდა ფაქტი.
საქართველომ დაკარგა უბადლო ექიმი, აკადემიკოსი ფრიდონ თოდუა!
ჩვენ… თითოეულმა ჩვენგანმა დავკარგეთ ოჯახის წევრი, მეგობარი, მასწავლებელი…
მსუბუქი იყოს მისთვის ასე საყვარელი თბილისის მიწა…

მშვიდობით, ბატონო ფრიდონ!

კლინიკური მედიცინის სამეცნიერო კვლევითი ინსტიტუტის – აკადემიკოს ფრიდონ თოდუას კლინიკის თანამშრომლები

მთავარი

2017 წლის 11 ივლისს ამერიკულმა ფირმა Varian – მა გამოაქვეყნა პრეს-რელიზი

სადაც საუბარია აკად. ფ. თოდუას სამედიცინო ცენტრის რადიოთერაპიის განყოფილების შესაძლებლობებზე და იმ ათეულობით წარმატებულ რადიოქირურგიულ პროცედურაზე, რომლებიც ჩაუტარდათ თავის ტვინის, ფილტვის, ძვლისა და თირკმელზედა ჯირკვლის სიმსივნური და მეტასტაზური დაზიანებების მქონე პაციენტებს.
Varian-ი თავის პრეს-რელიზში კლინიკას წამყვან ონკოლოგიურ ცენტრს უწოდებს და აღნიშნავს, რომ საქართველოში შესაძლებელია რადიოქირურგიული სისტემით – EDGE – ონკოლოგიური პაციენტების ეფექტური მკურნალობა.
ფირმის რეგიონული წარმომადგენლის სერგეი პოპოვის აზრით, მრავალწლიანი გამოცდილების მქონე მაღალკვალიფიციური გუნდი და უახლესი ტექნოლოგიებით აღჭურვილი დაწესებულება დიდი წარმატებით იყენებს მკურნალობის უახლეს მეთოდებსა და ტექნოლოგიებს პაციენტების საკეთილდღეოდ.
რადიაციული ონკოლოგიის განყოფილების ხელმძღვანელი ქალბატონი ნატალია ჯანყარაშვილი კმაყოფილებით აღნიშნავს, რომ ქართველ პაციენტებს ქვეყნიდან გაუსვლელად უტარდებათ უზუსტესი რადიოქირურგიული მკურნალობა რეგიონში არსებულ ერთადერთ EDGE სისტემაზე.

ინოვაციები

განყოფილებები

კ ტ

კომპიუტერული ტომოგრაფიის განყოფილება

მ რ ტ

მაგნიტურ-რეზონანსული ტომოგრაფიის განყოფილება

რ დ

რენტგენოლოგიური დიაგნოსტიკა

ონკოლოგია

რადიაციული ონკოლოგიის განყოფილება

ლაბორატორია

კლინიკური დიაგნოსტიკის ლაბორატორია

კარდიოლოგია

კარდიოლოგიის განყოფილება

სიახლე

ეზოფაგოგასტროდუოდენოსკოპია საყლაპავის, კუჭისა და თორმეტგოჯა ნაწლავის ენდოსკოპიური კვლევის მეთოდია. აღნიშნული კვლევის მეთოდით შესაძლებელია ანთებადი და…

კოლონოსკოპია მსხვილი ნაწლავის ენდოსკოპიური კვლევის მეთოდია. აღნიშნული კვლევის მეთოდით შესაძლებელია ანთებადი და ონკოლოგიური დაავადებებისა და…

ამიერიდან პაციენტებს ეძლევათ საშუალება უფასოდ ჩაიტარონ სწრაფი სკრინინგ – ტესტი C – ჰეპატიტის ვირუსის მიმართ…

ხელმძღვანელი – ქეთევან ლაშხი საქართველოს მეცნიერებათა ეროვნული აკადემიის გ. მუხაძის პრემიის ლაურეატი სამეცნიერო ხელმძღვანელი –…

ვიდეო გალერეა